陳偉霆斬釘截鐵冇同阿Sa同居

蔡卓妍（阿Sa）與陳偉霆（William）公開戀情後飽受閒言，昨日阿Sa出席新碟祝捷會時心情勁靚，獲英皇高層吳雨頒贈白金唱片，現場起哄要吳雨吻賀阿Sa，她尷尬掩面，吳雨即改送飛吻，場面搞笑。記者提議找William為快歌伴舞，阿Sa一副冧樣說：「幾好提議。（合唱？）暫時想分開先，呢排夠多啦！（佢有冇買碟支持？）你問番佢！」

對於被指在跑馬地買複式單位打算金屋藏「仔」，阿Sa解釋只買樓給母親，無意築愛巢同居，又直言未準備再婚：「我冇同佢講過結婚嘅事，嗰日嘅新聞我哋唔會拎番嚟講。」

而昨日以Bernard Willhelm潮服打扮的William，應邀出席「跑酷」（Parkour）騷與Parkour成員鬥舞。對於藏「仔」報道，他指自己不需要被「藏」，向來與母親同住：「朋友去朋友屋企都會，何況男女朋友？我嘅寓所喺九龍塘，我冇去佢度過夜！我冇去佢度住！」至於有指阿Sa不滿他現居是為前女友Angelababy而租住，William緊張地說：「絕對唔係！絕對唔係！絕對唔係！我由細到大都同媽咪住，將來都係！」他亦不介意女友未打算再婚，認為自己才24歲，不是適婚年齡，而現時想專注事業。