瞞戀情教友力撐 韓馬利：保護對方啫！
當年祖藍曾揚言女友是圈外人，但實情是華姐冠軍李亞男！身為基督徒的他講大話瞞戀情，圈中教友各有意見。早知「藍男戀」的韓馬利力撐祖藍：「佢都係想保護對方啫！又唔係話冇女朋友。（講大話喎？）咁都要睇佢出發點同動機，至少佢係認有女友，不至於大罪啦！」至於孫耀威指可能事出有因：「係咪當時李亞男諗住退出娛樂圈呀？所以祖藍先話女友係圈外人，相信佢哋唔係有心講大話，保護感情啫！」周永恒則指不應講大話：「希望耶穌原諒佢，講咗大話要懺悔、祈禱、認罪，公開拍拖係好事，大家係成年人，若然呢件事令人質疑佢幾唔抵。」
韓馬利撐祖藍講大話純為保護女友，罪不至死！(資料圖片)
孫耀威與周永恒對祖藍大話瞞愛各持己見。(資料圖片)
孫耀威。(資料圖片)