阿葛林海峰爭認奀星
葛民輝和林海峰昨日出席3D動畫《毛百萬》記者會，分享聲演心得，現場司儀以巨星來形容他們，林海峰即說：「我哋咁都係巨星？」阿葛隨即插嘴：「我哋酬勞係奀星咋！酬勞最好斷鐘計添呀！」早前，林海峰被拍到與太太彭羚和兩名女兒外出，被指一副慈父相，他拉開話題說：「我係一個大奸人、大壞蛋先啱，但都有善心嘅。（女兒平時去邊？）返學、溫習同返屋企。（女兒讀書壓力大？）我成日叫佢出嚟做嘢o架！佢明我想點o架！」
阿葛則表示與兒子冇代溝：「阿仔十幾歲已經係獨立個體啦！（帶女朋友返屋企？）冇，我睇佢啲女同學就有。（話你個仔造型同你一樣喎？）其實傳媒係咪影錯，我懷疑你哋影嗰個唔係我個仔。金正日都有幾個替身啦！」
葛民輝（右）和林海峰即席下廚，但似搗蛋成分居多。