湯唯唔造作白紙變山水畫

陳可辛執導的《武俠》以科學概念重新釐定「武俠片」，以科學根據、物理學及力學等多方面解釋片中所有武術及功夫。電影斥資2,000萬美元拍攝，更邀得湯唯、金城武及甄子丹參與演出，陣容強勁！

電影《武俠》是陳可辛第一部真正的武俠片，亦是繼四年前《投名狀》後再執導筒的作品。對於片中三大主角，陳可辛亦有不同看法，他重申：「呢套唔係傳統嘅武俠片，所有武術紋路都係合乎情理嘅。《武俠》除咗要改變武俠，更要改造甄子丹、金城武同埋湯唯。」

甄子丹不再「神」化

對於「不死英雄」甄子丹，陳可辛認為必須找出他的弱點才合情合理：「佢唔係神，但佢所演嘅大英雄角色都好似唔會輸咁，但每個角色都應該有佢嘅弱點。喺呢部戲度，我終於睇到佢都有驚嘅時候，其實佢都係一個人。」

至於金城武，陳可辛說：「我從來唔會用同一個男演員多過兩部戲，因為我想拍多啲唔同感覺嘅演員，但佢係例外。因為佢願意畀我幫佢打倒『金城武』，而整個過程只係用咗六日，佢就明白點去打破自己。」至於女主角湯唯，陳可辛終於確認其甄子丹愛妻阿玉的「地位」：「佢遲出道，拍嘅戲又唔多，所以喺佢身上少咗幾分造作，多咗幾分靈氣。對我嚟講，開拍時佢都仲係一張白紙，但到煞科時已經好似有啲中國山水畫嘅味道咁。」