「福祿壽」開騷重要部位黐閃石
阮兆祥、王祖藍和李思捷將偕汪明荃下月初舉行兩場演唱會，前晚「福祿壽」綵排長達15分鐘的串燒歌，期間思捷作勢向祥仔獻吻，祥仔說：「到時唔係錫，我會叫佢舐我。」祥仔風騷地表示其真名叫「金城武」，更指歌衫鑲滿閃石：「連重要部位都有，但唔好心邪，身體個個部位都重要。（性感？）總之一『腩』無遺啦！」更着記者屆時謹記要去「躬個鞠」！
據悉三子碌爆人情卡，嘉賓有天王、天后、影帝及影后級人馬，但祥仔透露不想公開名單博宣傳：「佢哋話私隱都講得，而且上得嚟都唔會爭先後出場排位啦！」因無綫頒獎禮與演唱會撞期，祖藍說：「係最好嘅證明，睇吓係咪出席唔到就冇獎攞！」
阮兆祥（左）和李思捷排舞時夾擊王祖藍。