楊怡鍾嘉欣3劇揸手冠絕花旦

陳法拉、楊怡和關菊英昨晚盛裝出席《2011無綫節目巡禮》，三人獲英皇珠寶贊助名貴珠寶首飾，所佩戴的18K白色黃金鑽石頸鏈、手鐲、耳環及戒指，總值逾750萬港元，雍容華貴。楊怡和鍾嘉欣明年接拍無綫三部劇集，為花旦之冠備受力捧。至於吳卓羲、鄭嘉穎和謝天華也有三劇在手，冠絕小生；陳豪、廖碧兒、黃浩然、汪明荃和徐子珊亦有兩劇；林峯、黃宗澤、胡杏兒和黎耀祥則各有一劇；鄧萃雯有一部外購劇。

法拉焗認鍾意New Way

法拉身穿連卡佛晚裝示人，性感度不足，她笑說：「慢慢嚟！仲有幾波，要一波一波嚟，之後有台慶同頒獎禮。（來年有兩劇？）唔覺得少，貴精不貴多，來年仲會拍戲同出唱片。」其後法拉與陳豪傍實汪明荃出場，法拉表示感激TVB栽培，鄭裕玲（嘟嘟）與王祖藍即「唱雙簧」順勢將法拉和Neway太子爺薛世恒的戀情開玩笑，祖藍說：「咁你搵到人生嘅New Way未？」嘟嘟接着說：「咁你鍾唔鍾意呢個New Way？」法拉尷尬笑說：「好鍾意！」對於有三劇在手，楊怡說：「係呀！我希望可以拍內地劇同電影。（搵好多可以自己買衫？）唔關事，要襯啲珠寶嘛！我會再留番台慶發力。」