高海寧翠翠否認赴富豪飯局
昨晚一班《公主嫁到》女藝員包括葉翠翠、李詩韻及陳自瑤以劇中古裝造型現身搶鏡，吸引不少人爭相合照。對於有報道指某些前港姐有份出席富豪飯局，翠翠堅決否認：「我同律師商量過唔會有回應，唔使再點講，我冇參與過啲咁嘅事，冇人搵過我，我都唔會為呢啲報道而唔開心。」
另一位同場前港姐高海寧則對傳聞一笑置之：「我有睇過篇報道，冇人聯絡過我去飯局。（怕唔怕被牽連？）冇咁嘅事，報道講嘅人25歲，我都未過25歲，唔關我事，我腳踏實地！」她更否認跟旅行社富家子Andy拍拖的傳聞。
高海寧例牌性感現身，「峰」芒畢露！
翠翠（右）以《公主嫁到》古裝造型上陣。