蔡楓華整靚棚牙企街口擘擘
蔡楓華為求復出,日前花數百元到牙醫診所洗靚棚牙,當日漫遊元朗數小時,期間站立街頭半小時不動,又突然於街頭扁嘴扮可愛!後來被雜誌記者激親,情緒失控地說:「我要拘捕你!」
過氣樂壇王子蔡楓華,曾是80年代炙手可熱的歌星,可惜一句「一剎那光輝唔代表永恒」令事業直插谷底,從此闊別幕前!至早前《勁歌金曲》踏入30周年,無綫邀他復出幕前助陣,他與盧敏儀才以經典主持人身份再現公仔箱!日前,密謀重出江湖的他到元朗洗牙,為回歸樂壇作最好準備,不過觀其整日行程,行徑依舊騎呢,情緒一度失控,更揚言要化身警察拘捕記者!
胃口好吔三餐
當日下午,頭戴黑帽及黑超、身穿黑色外套襯紅色Polo恤的蔡楓華,從寓所步出到附近茶餐廳歎茶,當時他精神奕奕,行徑及舉止正常,頻頻主動與左鄰右里打招呼,相當友善。歎茶後,他乘小巴抵達元朗,甫下車即到小食店買豆漿及粢飯,兩餐不過相距短短1小時,認真開胃!及後他到銀行及元朗政府合署,從銀行步出後,行徑變得騎呢,不但頻頻站在馬路邊,嘴扁扁扮可愛,更口擘擘喃喃自語!經過街邊的玻璃鏡時,他更刻意於鏡前左照右照擺甫士,嚇得途人紛紛彈開!
未幾,蔡楓華到鄰近的牙醫診所洗牙,看來他務求一擊即中,重拾當年「紅唇王子」的美譽!路過報攤時,他亦駐足細看封面人物,可見他對娛樂圈仍眷戀!甫進診所,他即背門而坐,更不時頭耷耷,把頭頂的Cap帽愈扯愈低。登記後,已兩小時內連擦兩餐的他似乎又再肚餓,急步到附近的麥當勞買快餐,胃口大得驚人!
洗牙後,蔡楓華繼續動作多多,不但於路中心立正摸頭,左顧右盼,行兩步又突然回望!返抵寓所之際,有兩名雜誌記者欲上前採訪,他突然情緒失控,爆粗狂鬧雜誌記者!
慨嘆無人問津
蔡:蔡楓華 記:記者
蔡:我X你XX呀!
記:唔好講粗口啦!唔好咁躁!我好有禮貌嘅,只係想同你傾吓偈!
蔡:你唔好亂咁嚟,我知你咩人!
記:最近忙咩呀?
蔡:無事忙,做吓電台訪問。
記:咁即係忙啦!
蔡:X你XX,我好X!
記:唔好講粗口啦!
蔡:我XX你呀!
記:你咁樣有失斯文o架咋!
蔡:你係咪斯文人呀X街……X人XX又唔係犯法,鍾意咪郁X我囉!反正我隻眼又有事!
記:有事就小心啲啦!
蔡:你衝入民居做乜嘢?
記:對唔住,咁你想點?
蔡:我依家要拉你!
記:報警啦咁!
蔡:我依家要直接拘捕你,唔使報警!你哋走唔走?我成世都唔怕人影,由你影!
記:有冇信心復出?
蔡:完全冇信心!
記:你唔同人傾啫!
蔡:冇人同我傾!
粗口橫飛一輪後,蔡楓華即趕記者離去,然後急急折返寓所。
於診所等候期間,蔡楓華頭耷耷,但甫出門外即摸摸頭頂,未知是否模仿小女孩?
蔡楓華突然嘴扁扁,難道想扮o靚模?
蔡楓華企得筆直,十足軍人一樣!
蔡楓華戴Cap帽架黑超,一身精心配搭,明顯「襯過」!
蔡楓華企定定向前張望,吸引不少好奇途人「陪望」。
出到元朗,蔡楓華即買豆漿粢飯,睇嚟餓得好交關。