Joey衣錦還鄉賣口乖

Joey衣錦還鄉賣口乖

容祖兒(Joey)與梁詠琪(GiGi)的祖籍都是新會,兩人前晚參與江門舉辦的綜藝晚會演出,衣錦還鄉之餘,更異口同聲讚家鄉盛產巨星!

容祖兒、GiGi、吳浩康(Deep)與鍾欣桐等,前晚以江門五邑籍的身份在當地的綜藝晚會上獻唱,祖籍新會的Joey與GiGi分別以Givenchy及Celine的潮爆毛毛衫上陣,對家鄉的最深印象就是盛產巨星,Joey說:「之前返家鄉做嘢,受到熱烈歡迎,大家送咗好多橙畀我,因為新會係盛產橙呀!同埋行內都多巨星係新會人,梁朝偉、GiGi都係啦!好威水呀!」GiGi則表示未有機會返家鄉,對於江門星光公園擺放她的銅像,她說:「我見過相都嚇嚇哋,個樣都唔係咁似我,同埋好似冇着衫咁,不過有屬於自己嘅銅像都覺得好光榮!」

吳浩康與舊愛合照

另外,Deep在後台跟舊愛胡定欣碰面,加上現任女友的妹妹莊思明剛巧路過,三人大方合照,Deep於微博表示下月11日參加拳賽,令人誤會他轉行,他說:「只係想表達話打拳唔係太影響工作,不過呢排專心創作音樂,的而且確幕前係少咗,但工作量就冇少到!」

音樂組

Joey在鄉親父老面前獻唱,特別醒神。

GiGi穿上Celine的潮爆毛毛衫上陣。

莊思明(左起)、吳浩康與胡定欣大方合照冇尷尬。