徐淑敏趕生6月兔BB
昨日「潮媽」徐淑敏（Suki）出席商場主題活動時，談到8個月大的女兒Vianna便笑不攏嘴，問到有否為女兒揀學校，Suki說：「我早有心水，都係屋企西貢區，但我都唔介意學校遠少少，半個鐘車程可以接受，仲可以親自送個女返學，享受埋呢個過程，跟住自己去High Tea。（幾時再生？明年生『兔仔』？）我同老公唔揀生肖揀星座，老公覺得6月出世嘅男仔特別叻，仲預感係生仔。（咪好趕？）係呀！呢兩個月咪密密籌備囉！（唔拍劇住？）樂小姐都話有仔趁嫩生呀！」
徐淑敏與老公密密造人，趕生兔BB。
張雨薇（左起）、Marie、品牌高層譚麗文、城城和宋紀妍合照。