諸葛梓岐先訂婚唔憂嫁

模特兒諸葛梓岐（Marie）昨日行騷時，大讚男友對她千依百順，無論飲食、衣着及旅行都由她話事！暫未打算結婚的Marie，計劃先訂婚以抓住好男人。

昨日行騷，Marie、有「翻版曾愷玹」之稱的台模宋紀妍及內地模特兒張雨薇，為《Columbia：Omni Heat超凡保暖系統發布會》示範全新產品，郭富城與品牌高層譚麗文則主持啟動儀式。

逼男友着情侶裝

Marie透露將與男友到外地旅遊度聖誕及元旦：「我好怕凍，香港冇暖氣，所以冬天我好少喺香港。（男友係你人肉暖包﹖）都係，都有道理。」她自認是品牌的擁躉，並賣口乖指要購買品牌大衣給男友，實行情侶裝上陣。Marie坦言曾與男友穿過麵包超人的卡通情侶T恤，問到男友是否被迫？她笑說：「我只可以講佢着上去好開心，而我睇落覺得好順眼。佢覺得我着衫好靚，對我嘅衣着品味非常信得過。」記者笑指男友對她言聽計從，Marie說：「我煮嘅嘢佢又會食，叫佢着衫佢又會着，不過佢都好有主見。（咁旅行呢？）都係我決定。」

至於婚姻大事，Marie表示因工作關係，故不會在今年或明年實行，但有計劃先訂婚：「訂婚唔會大搞，兩個人一齊開心就得。（訂婚戒指？）有啲嘢一定要有，心意囉！」

另外，郭富城透露不介意與女友穿情侶裝，認為是情趣，但司儀問到會送品牌的女裝給誰人時，他未有提起女友熊黛林（Lynn），反而選擇送給經理人小美，城城說：「因為我會同小美一齊去北京拍戲，當地好凍，如果佢病咗，邊個同我傾合約？（你會買畀Lynn？）冇問題。」