朱茵與男友失聯絡驚到手震

朱茵與男友失聯絡驚到手震

朱茵昨日演出最後一場舞台劇《瘋狂夜宴搞偷情》,潘迪華前來撐場,男友黃貫中(Paul)因弟弟黃貫其在內地登台時無辜受傷被迫「甩底」,朱茵表示沒有失望,最重要大家平安。她透露前晚曾與Paul通電話,一度失去聯絡,令她十分擔心:「睇微博先知,真係嚇死!即刻打畀Paul,當時佢話:『依家喺醫院,冇乜嘢,但細佬流咗好多血,見骨……』電話即斷線,我驚到手都震埋,之後再打又冇人聽,好彩佢Send訊息話冇事,但我諗佢哋當時都好亂,我惟有幫大家祈禱,令個人平靜啲,夜晚先瞓得着。」

據知Paul弟弟的傷勢頗為嚴重,昨晨返港後即時入醫院接受治療,朱茵皺眉頭說:「應該要縫好多針,聽講佢當時流到成身血。(叫Paul日後減少到內地登台?)唔會,我諗每個地方都有機會發生,唔會因為咁而嚇怕咗。」

朱茵前晚一度與Paul失去聯絡,令她擔心到手震。