內地登台嚇餐飽

藝人登台原是開心事，但若不幸遇上突發事件，除嚇餐飽外，隨時惹來生命危險！

潘美辰　

09年10月，潘美辰到內地重慶做騷，中段返後台休息時跟主辦單位溝通出現問題，有稱被對方「軟禁」房中三小時，其後台下歌迷報警才獲公安營救。

梁漢文（Edmond）

今年1月，梁漢文到內地恩平酒吧登台，有兩名酒客衝上台爭執，混亂間被人扯手，他被工作人員拉入休息室。Edmond離開後酒客更爆樽、推枱互毆，要報警處理。對於Paul細佬受傷，Edmond說：「戥佢擔心，希望冇大礙。回想上次自己安然無恙都算好彩。（自保方法？）我唔唱到有生命危險都唔會走人，所以要一眼關七，識得執生。」

張敬軒、王菀之（Ivana）

兩人早年在東南亞登台，因合約所稱跟主辦單位有出入，有指被十幾個持刀及錘仔的大漢禁錮房內約四小時，Ivana更傳被利刀架頸！對於Paul細佬受傷，軒仔說：「初出道時喺內地演唱，有男觀眾捉住我隻手叫班朋友嚟握手，好彩現場保安將我攬走。而防禦方法係零，意外就係意外，惟有小心。」Ivana則說：「好彩未遇過嚴重嘅醉酒客鬧事，至於我嘅防禦方法就係有危險要走為上着。」