湯唯栢芝爭落場鍊車

湯唯、張栢芝及劉若英昨晚於上海鬧市開工，由於三人同時「孭兩組」，故極難度期拍攝群戲，令劇組叫苦連天，原定上星期拍的群戲，亦要昨日才能成事！

馬楚成新作《極速天使》（暫名）拍得如火如荼，但三位女角分別忙拍其他電影—湯唯正拍攝電影《武俠》、張栢芝拍賀歲片《最強囍事》、劉若英則趕拍《瞞婚男女》，因三人都各自孭兩組戲，故令《極》片的群戲極難度期，遷就到栢芝時，卻未必夾到湯唯或劉若英，令劇組頭都大埋！有傳導演決定刪除多場群戲，以免拖延拍攝進度！

鬧市開工百人圍

記者就此事致電導演馬楚成，他承認三人很難度期，但絕沒有刪戲這回事：「佢哋三個嘅群戲好重要，唔可以刪，都知佢哋難度期，但佢哋外形同演技都咁好，值得等嘅！」

原定上星期拍攝的一場群戲，劇組幾經辛苦，終於夾齊三人的檔期，昨晚齊齊到上海開工！昨午約五時半，接載湯唯、劉若英的座駕率先出現，從大廈停車場直駛入拍攝現場，馬楚成先向兩人講解情況，然後再去查看攝影機的擺放位置，隨即先拍攝兩人的戲份。至晚上八時許，張栢芝到達，會合湯唯及劉若英開始拍攝群戲。由於拍攝地點乃上海鬧市，加上昨日是星期日，故現場吸引逾百市民在商店外圍觀，熱鬧非常！

導演取笑「好狼死」

今次齊集張栢芝、湯唯及劉若英三位女星合作，問到三人有否爭戲？馬楚成說：「爭戲份就冇，爭拍賽車戲就有！佢哋三個都好狼死，一上咗車，平時啲溫柔就冇晒。」由於《極》片有多場特技賽車場面，危險性極高，保險公司要求由擁有專業技術的賽車手上陣才肯受保，故未能讓三位女星冒險拍攝。