楊采妮暗示有拖友
楊采妮穿上Escada裙出席品牌活動，她透露忙於宣傳電影，隔日便要飛，至明年初開拍新戲：「係一個我從未遇過嘅新角色，依家接戲唔會重複，有時拍一套戲係講緣分，咁多演員但導演偏偏諗起你，所以嚟緊會揀角色接。（有咩角色想做？）想拍科幻片！」問到感情生活，她表示很難交代，自己不急於結婚，只順其自然：「我唔會話自己恨嫁。（有交往對象？）唔知點答，我係結婚會講嗰種人，但覺得人大咗，好多嘢講唔定！」
基治遊紫禁城大開眼界
曾與尼古拉斯基治合作拍戲的她，坦言雙方很久沒見，今次難得在活動碰頭感到很開心：「佢太太都有嚟，拍戲嗰陣已經知佢係Family Man。（你鍾意Family Man？）可以接受，但男人始終要有事業！」
而基治與韓裔太太金容京晚上於酒會甫出場即全場哄動，他更以普通話說：「我愛你！」其後表示首次到北京，大讚當地人熱情，期間曾暢遊紫禁城及天壇，令他眼界大開：「真係好開心！今朝仲見到有人耍太極，感覺好歡欣好和平，下次會再嚟！」
穿上Escada黑色透視裝的楊采妮表示，結婚時會向大家公布。
荷里活影星尼古拉斯基治偕太太到北京出席活動。