蘇永康為三輸局面惋惜
對於「四台聯頒音樂大獎」停辦一年，不少歌手感惋惜，曾奪得四台聯頒「大碟獎」及「卓越表現大獎」銅獎的吳雨霏說：「停辦一年係大人嘅事，但我對獎項好有感情。」至於東亞旗下的蘇永康說：「既然歌手唔齊，咁就失去公平頒獎禮嘅意義。成件事同版稅風波有關，依家令電視台、歌手同唱片公司三輸！」而自稱樂壇新人的MC Jin則慨嘆：「香港咁細嘅城市，個樂壇又咁細，估唔到都有問題發生。」
不過，無綫非戲劇製作總監何麗全則認為，取消「四台聯頒」沒有意思：「我認為唔關TVB同四大事，否則去年已經取消啦！咁做太草率，係就應該年頭傾，應該由咁多間唱片公司同傳媒傾，冇理由只由四台去表決！」談及無綫與四大的談判進展，他說：「大家都有讓步，情況樂觀，傾掂6成！」而助理廣播處長（電視）張文新則說：「有歌手唔喺入面點聯頒？希望唱片界聯手合作做統一機制。（英皇同東亞唔參加？）獎項有公信力、實至名歸，自然受尊重。」
曾奪得四台聯頒獎項的吳雨霏，坦言對獎項有感情。
蘇永康