瑪莉亞佗B女搵Beyonce對親家

天后瑪莉亞卡里上周宣布有喜後，前日連環現身George Lopez與艾倫迪珍妮絲節目受訪，前者除暗示瑪莉亞佗B女外，更踢爆Beyonce大肚！

上周剛宣布懷有與丈夫Nick Cannon首胎、預產期明年春天的瑪莉亞，消息公布後前日首次公開亮相，現身George Lopez節目受訪。

George對鏡頭向瑪莉亞腹中胎兒預錄口訊：「我已經安排好，等你嫁畀Beyonce同Jay-Z未出世嘅BB。」此言一出，不但爆了瑪莉亞懷有B女，更踢爆早前否認大肚的Beyonce的確有喜，而且是慈姑椗。

體貼老公代掃平底鞋

其後，George笑指瑪莉亞的B女如果想學母親，哭泣時扯高音的話，要謹記以手指指天，又指B女最先學會的字除了「媽媽、爸爸」外，將會是名牌Gucci及高踭鞋名牌Christian Louboutin，瑪莉亞則說：「Nick最近幫我買咗好多平底鞋，可以保護BB。」

同日，瑪莉亞穿上高踭鞋現身艾倫的節目時被問：「可唔可以估BB性別？」瑪莉亞即坦言不想：「試諗吓你係肚入面嘅BB，你想唔想有人肆意將性別嘅想法強加喺身上？唔會啦！你唔會想佢哋肯定你係一個女仔。」

她續說：「如果係女，我唔會為佢準備粉紅色睡房，我會咁過火咩？咁會有反效果！」艾倫卻笑說：「當BB一出世，你就會即刻為BB着好細對嘅高踭鞋。」瑪莉亞則透露害喜情況，除了經常作悶，亦很想飲汽水。