歌手麥家瑜（Keeva）最近剪咗個齊蔭新髮型，佢話好似返咗去幼稚園年代：「剪完即刻放咗相上微博，因為之前我用咗幼稚園張學生相做微博人像相，個個都留言話一模一樣！」新髮型令她回想起小時候剪頭髮嘅片段：「以前係媽咪幫我剪，你知啦！剪齊蔭呢啲嘢，左剪剪、右剪剪，最後咪愈剪愈短囉！仲試過因為咁而喊。」