李玟怕痛想搵代母生仔
昨日李玟（CoCo）與前港姐李美鳳出席《Estee Lauder「變煥、新生.奢華展」慈善活動》，近期屢傳婚訊的CoCo證實婚期定於明年十月，但不願透露確實日子：「日子就要保密，但會喺我男友生日咗近！」兩年前，她大灑金錢為未婚夫Bruce舉行超豪生日派對，被問到今次會否搞世紀婚禮，CoCo說：「每個女仔都希望有個好似童話故事一樣嘅婚禮，都未知擺幾多圍，但會請所有好友出席，大家開心玩一晚，如果可以都希望開一圍畀Fans。」至於婚紗方面，CoCo表示仍未決定，有可能會找美國設計師Vera Wang度身訂造：「我都會去美國約見吓佢。（婚後想努力造人？）其實我有諗過搵代母生，因為好多朋友都話生仔好痛，但依家咁諗唔代表日後都係咁諗，總之就順其自然！」
李美鳳聞舊愛扮失憶
曾與李家傑傳緋聞的李美鳳，被問到知否對方找代母生三胞胎，她表示與他很久沒聯絡：「佢喺我印象中係一個虔誠嘅佛教徒！（恭喜對方？）你生咗我都會恭喜你啦！」提到當年是否曾與李家傑拍拖？李美鳳說：「咁耐以前嘅事，你考我腦力咩！識就識得，但咁耐之前嘅事唔記得喇！」
李玟（左）與李美鳳出席護膚品活動，各自暢談近況。
李美鳳席上展出與女兒一同為活動設計的絲巾。