DaDa髀人摸留陰影禁男埋身

陳靜（DaDa）昨日以性感打扮出席撲克活動，狂晒五吋「事業線」，同場的撲克高手笑言心跳加速，還不時大獻殷勤，但DaDa尷尬又抗拒，原來與童年不幸遭遇有關。

性感上位的「百果園咪神」DaDa昨日身穿Tube Dress谷出五吋「事業線」，出席在澳門舉行的一個活動，甫出場即「峰」殺全場！同場的外籍世界撲克冠軍Joe站在她身旁時亦笑言心跳加速，足見魅力非凡！

席上，兩人大玩遊戲，當DaDa跪在櫈上擺出「鴨仔2」動作時，Joe即主動出手獻殷勤，扶實她的玉臂及腰肢，但搞到她十分尷尬，還猛叫「I'm OK！I'm OK！」似乎不欲對方觸碰。對於Joe熱情獻殷勤，DaDa直言尷尬萬分：「我知佢驚我跌親，所以禮貌上扶住我，但我冇心理準備下畀人摸我會好驚，所以佢掂到我條腰時，自然反應就好大。因為細個嗰陣試過搭巴士畀人摸大髀留陰影，所以依家有男仔失驚無神掂我會幾抗拒。（同男模合作會點？）做嘢就冇辦法啦！最緊要之前溝通好。我平時坐港鐵都會攬實個袋，會特別避忌啲，有事都識執生同保護自己。」此外，DaDa與各高手玩撲克時，竟然「盲拳打死老師傅」，爆冷勝出。

拒用人工方法去肥膏

另外，DaDa最近與呂慧儀及莊思敏等拍攝新片《潮性辦公室》，有指其上圍比隆胸後的莊思敏更勁，DaDa賣口乖說：「我都好鍾意佢（莊思敏），佢皮膚好靚又白滑，我仲仍然好肥！有時影相都見到肚腩！雖然最唔滿意係肥，但又唔會去整容，會靠努力做運動！」提到另一部與鄧麗欣（Stephy）合作的電影，Stephy「平平無奇」身材自然被比下去，但DaDa表示大家路線不同，各有優勝地方：「Stephy溫文爾雅，大家唔會有競爭。」