G.E.M.林宥嘉音樂冇交流
鄧紫棋（G.E.M.）昨日與鄭欣宜及新人連詩雅等出席活動，提到與台灣歌手林宥嘉的緋聞，G.E.M.即尷尬地說：「唔講呢啲！」並醒目地拉開話題，問到有否送新碟給對方？她說：「冇見到佢，最好佢畀錢買！」她強調與對方因歌路不同很少交流音樂，問到二人傾電話傾甚麼？她說：「電話費好貴，唔係成日傾！（佢打畀你？）唔知，你問番佢！」隨即叫救命找助手解圍！
另外，問到有否安慰陳淑芬？欣宜說：「咩事？（捲入錢銀糾紛？）絕對100%相信佢為人。」
G.E.M.被問戀情即甚為尷尬，並急急轉話題。