近視樂基兒聽聲辨黎明
麥浚龍女友戴庚玲與「黎明嫂」樂基兒（Gaile）昨日出席博士倫活動，Gaile自爆有逾百度近視及散光，但因膽小而拒絕進行激光矯視手術，並即場分享「矇查查」趣事：「有人好遠同我打招呼咪照打囉，點知最後先發覺唔識對方！（認錯老公？）唔會！我聽聲都認得！」她又透露聖誕期間會「收爐」留港充電，對於有傳黎明嚴禁旗下模特兒Janice Man拍拖，她表示未有聽聞：「我認為公司唔會咁做！一定係炒作！總之Janice Man或衞蘭都有自己嘅生活同工作，唔使教佢哋點做！」
此外，戴庚玲否認男友與日本女優蒼井空的緋聞：「佢哋係好朋友！食飯好正常，而且佢成日都向我匯報行蹤！」
「黎明嫂」樂基兒（右）及「準龍嫂」戴庚玲均對另一半投下信任票。