周家蔚不滿天明「大食」
周家蔚及洪天明昨晚出席福音電影《最．危險人物》首映禮，自傳分手後首度同場的天明與家蔚，不時打情罵俏，天明更搭着女友膊頭受訪，家蔚則含情脈脈望實男友，天明說：「早就講咗冇嘢，係外邊啲人亂講！以前會緊張回應，不過已經唔係第一次，所以化咗，唔會再理！」問到今後如何給家蔚安全感，他說：「做番好自己囉！」豈料「天明嫂」大發雌威說：「仲有呢？」天明即醒目地答：「咪錫佢多啲，對佢好啲囉！」問到家蔚對天明有何不滿時，她大玩踢爆：「佢成日都要食嘢囉！」天明即搭嘴：「咁咪食少啲囉！咪亂講嘢呀！費事佢哋又亂諗！」
洪天明與周家蔚打情罵俏，認真骨痹！