校長拍心口Sing援蔡楓華
久休復出的蔡楓華（Ken），前晚以會員身份出席《2010 CASH週年晚宴暨金帆音樂獎頒獎禮》，造型酷似上次亮相《勁歌金曲》的黑超襯紳士帽Look。席間，校長譚詠麟主動到Ken的座位打招呼鼓勵，一臉驚訝的他即捉實校長雙手以示感謝，但卻以睇騷為由拒絕受訪。校長說：「佢重返舞台係好事！幾年前佢喺伊館開騷都有搵我做嘉賓，頭先我除咗鼓勵佢之外，仲應承如果佢開騷，我一定會做嘉賓！」
此外，首次獲頒「最佳女歌手演繹」獎的王菀之（Ivana）說：「第一次攞呢個獎特別激動，講致謝詞好長，啲賓客都掛住食嘢同碰杯，唔得閒理我講嘢！」她表示與張敬軒合唱的《高八度》獲得「最佳合唱演繹」獎，惜軒仔因病缺席，故希望帶同獎座探望對方。至於方大同則砌低因事缺席的陳奕迅，勇奪「最佳男歌手演繹」獎。
校長（左）與蔡楓華攬頭攬頸送上鼓勵，並承諾會任對方個唱嘉賓。
王菀之(左)、焦媛
方大同及王菀之分別奪得「最佳男、女歌手演繹」獎。