林欣彤工作滿檔堅拒停學
周柏豪及林欣彤昨晚在尖沙咀出席相機活動，近期工作滿檔的林欣彤，被問到是否進帳不少？她說：「我仲係學生，唔使賺好多，夠用就OK！（考慮暫時停學專心工作？）唔會，仲有一年，一定會堅持落去！」她直言因工作及學業繁重而感吃力：「因為實在太忙，成日都覺得好攰，屋企人都有煲湯畀我飲，同埋叫我休息多啲！公司對我都好好，盡量遷就我嘅返學時間。」
此外，早前以Lolita造型拍攝電影《我愛香港》的林欣彤坦言，不清楚戲份多寡，但片中應該沒有更激的造型。對於有傳她搶了Janice Man的角色，她說：「大家都唔同類型！我喺活動見過佢，真人好靚！」
雖然工作不斷，林欣彤仍堅拒停學搵真銀。
林欣彤與周柏豪齊齊出席相機活動。
林欣彤（右）與《巨聲》主持田蕊妮「重逢」，頓變糖黐豆。