官恩娜攻日冷落男友
官恩娜昨日偕蔡穎恩出席手袋時裝配飾品牌ans的6周年活動，展示親自設計的手袋，同場還有Jessica C.（JC）的師妹馬瑙、日模松岡李那、品牌創辦人田中博及日本環球唱片製作部次長太田直樹等。
對於被指與太田洽談攻日，官恩娜說：「係有好多公司傾緊，我好有興趣去日本發展。（要簽好耐？）做嘢唔介意！我忙到冇時間瞓，但男友冇詐型，我仲推咗佢唔去旅行添！佢支持我去日本，但媽咪就驚我捱病。」至於馬瑙在日本與JC屬同公司，問到有否想過取代JC，她說：「唔會，佢係我榜樣。（邊個身材勁啲？）好難比較，我上圍係D Cup，但幾大就唔知。」
馬瑙（左起）、官恩娜、蔡穎恩與松岡李那，扮靚靚出席活動。