徐子珊發「皮」氣多得潮媽
女星最愛扮靚，而徐子珊身上的「潮物」，竟然是出自她媽咪的眼光，子珊表示深綠色的皮包連手套設計，可以分開使用及配襯，但若放在一齊則集「潮」、「型」於一身，而該潮物是由其媽媽買的：「呢件係我生日禮物，媽咪早排行街幫我買，仲係限量發售，唔怕同人撞，我哋藝人好啱用！多謝呢個潮媽。」除了今次「傑作」外，徐媽媽早年亦有「出手」，結果嚇親子珊：「我未選『港姐』前去見工，要準備白恤衫，媽咪竟然幫我揀咗一件背部開咗一個大窿嘅恤衫，當時我又急住着，惟有用披肩遮住背脊個窿！（媽咪好帶挈？）佢話我唔趁後生着，唔通等到老先露咩！」
徐子珊大晒皮包連手套的潮物，品味出眾。