連詩雅急為囡囡揀男友
華納新人連詩雅（Shiga）擁有一隻3歲大的貴婦狗囡囡Pinky，當年她被寵物店欺騙，花費近萬元購買該隻病狗，Shiga說：「Pinky買番嚟當晚又屙又嘔，病咗好耐，不停睇醫生食藥，依家都有後遺症，好易嘔！醫生話佢個肺特別弱，又會暈車浪，搭車最長唔可以過10分鐘，否則好易氣喘！」雖然Pinky體弱多病，但Shiga大讚牠靚女得意：「佢好聰明、好奸，識得同你玩心理戰，佢覺得自己係媽咪個女，我鬧佢，佢會嘈番我，媽咪鬧佢，佢唔嘈！」Shiga笑言媽咪最縱Pinky：「佢有公主病o架！係小霸王，每星期媽咪都落手落腳為Pinky沖涼，每個月都有美容師上門幫Pinky沖涼、剪毛同修甲。」她一直希望為3歲大的Pinky配種，並積極為牠物色男朋友：「但一直未搵到，如果再搵唔到，為佢健康着想，就幫佢做絕育手術。」
連詩雅希望為Pinky配種，現積極為牠物色男友。
Pinky十分精靈，一招Hand Hand絕無難度。
連詩雅最愛囡囡Pinky，與牠咀嘴也不介意。