蔡一傑報仇拆小春祠堂
草蜢前晚繼續在紅館演出，嘉賓陳小春竟偷偷換上蔡一傑尾場才出動的戰衣，激到傑仔紮紮跳！
草蜢前晚舉行尾二場演唱會，邀請鄭伊健、陳小春、林曉峰及謝天華四位「古惑仔」任嘉賓，七子在台上大放笑彈，草蜢率先賣口乖恭賀新婚的陳小春，而小春則說：「我今日唔係嚟派帖，我嚟攞咗利是先，攞咗再講！」吹水期間，傑仔發現小春所穿的舞衣熟口熟面，原來是把傑仔打算在尾場才穿的舞衣「先着為快」，令傑仔哭笑不得，並說：「搞錯呀！你搞到我尾場冇衫着，不過你冇理由啱着我套衫？我咁Fit！」說畢隨即伸手突襲小春私處並拉開其褲頭，赫然發現褲頭拉鏈爆開，根本不合身，令全場觀眾爆笑拍掌！
狂跳跌傷手腳
當晚演唱會結束後，在場歌迷起哄不願離開，草蜢惟有再次上台獻唱《飛躍千個夢》，但由於現場燈光太大，傑仔在凹凸不平的舞台跳來跳去，最終跣腳跌落陷阱，手腳擦傷，褲腳位置爆開，手指亦有扭傷，他說：「尾二場諗住玩得放啲，真係估唔到會受傷，唔理喇！最尾嗰場一定要搏到盡、玩餐飽！」此外，伊健演出後在微博上載多張後台合照，並寫道：「多謝草蜢邀請，今天有一個很難忘的晚上！」
傑仔施撩陰手報復小春偷着戰衣。
草蜢與「古惑仔」在後台合照留念。
陳小春、謝天華、林曉峰與鄭伊健等四名「古惑仔」擔任表演嘉賓。
7名壯男賣力表演，女Fans大為受落。