周秀娜食多咗面頰升Cup
莊思敏、周秀娜及「萬寧哥哥」沈志明前晚以嘉賓身份出席活動，吳浩康（Deep）則擔任模特兒行騷。現場所見，周秀娜面頰明顯脹卜卜，她說：「呢排食多咗，係時間『跑數』買樓，做嘢就自然瘦。」對於有傳林峯遭邵氏高層黃家禧指於影壇未站穩陣腳，她說：「我都係電影新人，唔話我已經好好，佢係一個好對手，成日帶我入戲！」至於Deep坦言因女友莊思敏在場，增加不少壓力：「事前飲咗幾啖紅酒，費事我唔知邊個環節出事，返到屋企又畀佢話。（預咗畀佢笑？）個騷完咗仲笑我嘅就唔係人！我最怕人話我唔專業。」身旁的莊思敏聞言即笑說：「平時佢彈我唔少啦！」
周秀娜自爆最近密密食，搞到突變包包面。
吳浩康擔任模特兒行騷，女友莊思敏在台下喪影。