關楚耀衞詩見面隨緣
關楚耀（Kelvin）、李卓庭及女子組合HotCha等前晚化鬼妝出席萬聖節活動，大會邀得仿真度極高的「暴龍」現身。Kelvin表示在加拿大讀書時曾有一個難忘萬聖節：「當時跟住啲同學去玩，拎咗阿媽對絲襪笠喺個頭度，後來去到個華人屋企門口，點知佢一見我哋即刻拎掃把趕走我哋！」他還透露今年萬聖節會外出慶祝，問到有否約前女友衞詩？Kelvin說：「唔使約，見到就見啦！」至於HotCha成員Crystal表示已約朋友開派對：「本來扮俏護士，但依家凍咗唔知扮咩好！」
關楚耀搵玩具叉「屠龍」，認真搞笑。
HotCha表示已約齊朋友，準備今日開萬聖節派對。