Yumi封胸拍劇轉型做乖女
今日是萬聖節，尹蓁晞（Yumi）早前身穿短裙晒長腿，與戴夢夢及師弟鍾一憲（Jason）到萬聖節主題餐廳率先感受氣氛。Yumi自誇未驚過，但夢夢突然轉身大叫，嚇到她成個彈起！三人走進「鬼屋」冒險，以為風平浪靜之際，「兇猛嘩鬼」突然出現，嚇得他們一仆一碌，場面搞笑！夢夢表示今年打算約老闆林建名及師弟妹玩鬼屋，還透露會諗計嚇老闆！Yumi則表示想以血腥護士的造型湊熱鬧：「行過啲內衣舖，見到啲護士內衣好鍾意，但太性感唔敢着出街！（淨係着畀男友睇？）哈！或者會啩！」
向來行性感路線的Yumi，新一年打算「封胸」，希望改以乖乖女形象拍劇入屋。對於DaDa（陳靜）推出性感年曆搶灘，Yumi直言未有同類計劃：「我今年唔出年曆，公司想我慢慢轉型唔行性感，可以拍戲、拍劇入屋啲。（封胸？）又唔會太密實嘅，其實我都接受唔到DaDa咁大膽，但佢身材好有本錢，我都冇佢咁好！」
Yumi、戴夢夢與師弟鍾一憲到「鬼屋」探險，被「嘩鬼」嚇到一仆一碌。
自認大膽的Yumi竟被夢夢（左）回頭驚叫嚇到彈起！
嚇完一輪後，Yumi與夢夢齊齊食應節食品醫肚。
Yumi打算封胸轉型做乖女，希望拍劇入屋。