Baby唔敢撩栢芝傾偈

昨日Angelababy、張舒雅、鄭融及衞蘭等出席日本品牌DURAS專門店開幕，Baby穿上連身喱士短褲，被取笑玩睡衣誘惑：「唔係！係秋冬最Hit潮流。（得十幾度？）我唔會刻意性感，要睇潮流。」提到客串賀歲片《最強囍事》，與偶像張栢芝做對手戲，Baby說：「估唔到可以同佢喺大銀幕出現，夢想成真！唔敢同佢傾偈，只係偷聽佢同人傾偈，又唔敢問佢攞電話，如果同佢講我鍾意佢，怕嚇親佢，驚咗我。」她透露栢芝兒子Lucas今日會到片場。問到會否想如栢芝般有家庭？她說：「非常想，佢好幸福！（好似佢喺最紅時結婚？）未諗到咁遠，隨緣。」此外，Baby與緋聞男友黃曉明昨日分別上載近照到微博，Baby應萬聖節扮鬼扮馬，而黃曉明則上載參觀大英博物館的照片。

衞蘭恨聖誕陪男友

另外，忙完新唱片的衞蘭指銷量不俗，希望聖誕有假放，問到會否叫男友買？她說：「冇！如果有得放假，係第一年聖誕同男友過。」而前港姐張舒雅與Baby經理人Kim到場，問到是否簽約Kim？她說：「未真正簽。（同王友良係合作關係？）係！（有傳同無綫續約？）上個月返過去傾合作，遲啲有機會。（見樂易玲？）係！（點洗底？）用時間證明。」