陳靜搣損咪咪柚惑宅男

「百果園咪神」陳靜（DaDa）超激內衣月曆照曝光，當中不乏趷籮、咬手指及嘴唇微張等性感甫士，向Fans送上萬聖節禮物，她還透露拍攝時慘被「千層乳貼」整損咪咪！

今日萬聖節，陳靜（DaDa）向Fans送上三款超激月曆造型，除貫徹清純風格，穿上白色小背心晒「事業線」外，她還一改作風，戴上Bob頭假髮及穿上黑色喱士內衣谷胸，新鮮感十足！DaDa坦言拍攝初期比較怕醜，不過信任攝影師的她最後豁出去，穿上粉紅色內衣趴在床上趷籮，擺出認為最性感的咬手指及嘴唇微張等甫士，惹火撩人！

DaDa在一連六天的墾丁拍攝行程中，被「千層乳貼」嚇怕，她說：「我都數唔到帶咗幾多盒乳貼過台灣，日日都黐三、四層乳貼，好似『千層乳貼』咁！第一日搣乳貼就整損咗皮膚，紅晒好慘，原來要用濕棉花整濕乳貼先好搣。當時要忍痛照拍，但見到靚相都覺得抵番。（點救番巨咪？）搽多啲Cream，等佢快啲好。（幫巨咪買保險？）好似有好多條款，唔係咁易買到，如果下次再狂黐乳貼，真係要認真睇吓有冇得買！」她表示月曆照是性感底線，自認臀部不夠靚的她，未知會否刊出以床單半遮股的相片？

上海拍戲眼發炎

此外，DaDa現正身在上海拍攝新片，忙到眼部有少許發炎，未能親身陪Fans過節的她與同門的「翻版大S」李莉琳（Liz）扮鬼慰Fans，還自爆撞鬼經驗：「我極之細膽，同朋友去鬼屋都一定攬實佢哋，有次玩完出番嚟之後我講番見到啲乜，先發現我見到啲佢哋見唔到嘅嘢，真係嚇到尖叫！」