莫文蔚瞓沙灘享受孤獨

莫文蔚早前飛到昆士蘭拍攝MV，飽受沙灘上孤單的感覺，身為時代女性的她坦言並不怕單身：「孤獨唔係一件壞事，你要識得去享受！」

莫文蔚（Karen）早前為拍攝新歌《完美孤獨》MV，特別飛到昆士蘭一個被譽為世界十大最美的沙灘取景，身穿白色吊帶薄紗長裙的她，在微風吹拂下顯得格外飄逸，當Karen看到一望無際的天與海，非常感動：「呢個沙灘其實係好多新婚夫婦嘅蜜月勝地，真係好靚，有少少唔捨得走，將來有另一半嘅話，一定會再嚟呢度浪漫吓！」

不擔心變「敗犬」

導演為怕太多一雙一對的情侶在海灘上影響拍攝氣氛，惟有天未光坐船出發，要Karen表達一個人的孤單感覺！由於昆士蘭溫差大，拍攝期間Karen要抵十度低溫，睡在幼沙上面不停被海浪打埋身，惹人憐愛。導演一嗌暫停，助手立即送上披肩及熱飲，免得伊人冷親，Karen說：「真係凍到成個人都打冷震，起晒雞皮，不過我見拍出嚟個畫面真係好靚、好有感覺，所以點辛苦都係值得嘅！」

提到歌曲《完美孤獨》，Karen表示歌詞很有意思，是大碟入面其中一首最喜歡的歌，問到會否擔心單身變「敗犬」？Karen說：「孤獨唔係一件壞事，你要識得去享受，有時一個人靜靜哋，都可以好寫意！」