周秀娜求學懷疑性取向

周秀娜（Chrissie）與內地武打女星蔣璐霞發展「曖昧情」，更獲對方餽贈北京烤鴨，氹得她笑逐顏開。Chrissie自爆曾懷疑自己的性取向，看來其男友真的要打醒十二分精神。

周秀娜與蔣璐霞合作新片《殭屍新戰士》互相欣賞，導演羅守耀更「悉心」安排二人發展一段似有還無的同性感情！談到「新歡」，Chrissie大方地說：「雖然佢（蔣璐霞）個樣好似好酷，但內裏天真，性格好小朋友，佢好細心，有次同佢講話我未去過北京、未食過烤鴨，估唔到過咗幾日，佢竟然由內地帶咗一隻烤鴨畀我，好感動呀！」蔣璐霞甚至連自己的強項功夫及自衞術也傳授給Chrissie，令她甚為感激。

談到同性愛，Chrissie坦承求學時期就讀女校，對同性戀已習以為常，曾一度懷疑自己的性取向：「直至後嚟遇到個男仔拍拖，終日心如鹿撞，冇心機返學，好注重打扮……終於明白自己想要啲乜，覺得男仔保護到你嗰種感覺，女仔點都做唔到！」

原來「情」字對Chrissie十分重要，除男友外，對父親更為記掛：「拍戲返唔到屋企見家人，好彩所有拍檔都好錫我，尤其見到小豪哥（錢小豪），就令我諗起Daddy。我Daddy雖然唔會講出口錫我，但佢竟然向媽咪請教，學煲湯畀我飲。」

不贊成兒子休學拍戲

至於錢小豪今次再拍殭屍題材電影，有幸與宅男女神Chrissie結緣，合作後，對她印象甚佳，大讚Chrissie假以時日非池中物。

現實生活中，兒子錢景峰早前休學接拍電影，小豪直言不太贊成：「佢淨係打電話通知我話接咗套戲，我個人嚟講，梗係唔贊成佢休學啦！最起碼要讀完書先，不過呢啲嘢唔到我理，話晒佢跟媽咪，如果唔係太過分嘅話都唔應該出聲，怕傷感情嘛！」