嘉玲蘇州驗樓15間房任睇

梁朝偉和劉嘉玲早前豪擲一千七百萬人民幣（約二千萬港元），在蘇州買下「梁劉愛巢」，日前嘉玲現身豪宅「驗屋」，內部裝修超豪，十五間房任睇。

早前「梁氏伉儷」睇中蘇州豪宅區，並以全球第一買家的身份出席該樓盤揭幕禮，當時更即場簽約買樓。而兩人睇中是在太湖旁邊一棟四層樓高的獨立豪華別墅，房間多達十五間，屋內更有電梯、外邊有湖畔花園，開五十人派對都綽綽有餘，氣派十足。「蘇州愛巢」經過年月來裝修大功告成，日前嘉玲秘密飛往當地親自「驗屋」。據知，新居是一名意大利設計師為偉仔和嘉玲度身訂造，以歐陸式設計為主。

晒兩隻巨型鑽戒

雖然今次偉仔未有相伴，但專程來一睹新居的嘉玲則悉心打扮，穿上卡其色毛料大衣逐間房巡視，由地下豪華大廳走到飯廳，再到主人房，就連最私人的雙人床和浴室亦不放過。據知「梁劉愛巢」現正作為「樣辦房」（示範單位）對外開放，更被封為「情色樣辦房」，名字相當誘人。

嘉玲行程緊密，剛去完蘇州日前又現身北京與周迅、韓星尹恩惠和名模杜鵑出席《義大利夢想》的短片首映會，嘉玲更大騷手上的兩隻巨型鑽戒，並分享當梁太的心得：「家庭主婦會做的事，我都會做。」