譚詠麟恭喜李家傑做老竇
校長譚詠麟與樂隊Mr.前晚聯同有線主播舉行音樂會，謝安琪則以特別嘉賓身份出席，緋聞纏身的主持余思敏（Sammie）因要開廠缺席，校長將對方戀情擺上枱，引得全場哈哈大笑。適逢有線17周年，校長說：「祝賀快啲攞到免費頻道，做多啲音樂節目！」問到他對娛圈消息瞭如指掌，會否擔任娛樂新聞主持大爆秘密，他說：「寫本書你睇囉！叫《道聽麟說》，如果要主持，要搵埋曾志偉、陳百祥正牌福祿壽，不過都幾難搵到嘉賓。」
至於好友李家傑找代母產子成為3子之父，校長說：「會SMS恭喜。（搵代母喎？）搵人咪好囉！好過真係搵『玳瑁』，雖然龜長壽。」另外，提到沒完沒了的版稅風波，問到四大唱片公司與TVB關係是否冇彎轉？他說：「唔知，李生依家有喜事，快啲水到渠成咪有得見面囉！」
譚詠麟、謝安琪和Mr.成員Alan出席音樂會。