婷婷下世做安志杰老婆
謝婷婷昨日出席Inoa髮型騷活動，與名模Jocelyn示範最新髮型。婷婷受訪時，髮型師Kim Robinson一直陪伴左右，婷婷指剪頭髮最信任Kim，Kim即時搶說：「下一世要佢做我老婆！」婷婷聞言大笑，指下世女人可能可以有多個老公，並指男友安志杰必是其一。她透露前晚母親狄波拉生日過得很開心：「總之哥哥（霆鋒）帶埋BB一齊同佢慶祝生日，就係最好嘅禮物。」另外，婷婷前晚與周秀娜出席moussy/SLY時裝派對，一雙手出現瘀痕，她說：「只係我搵鞋時啲鞋跌晒出嚟，唔覺意整親隻手！」
Kim左擁Jocelyn右抱婷婷，艷福無邊。