阿佘遲大到乜都睇唔到

敖嘉年前日於無綫劇《花花世界花家姐》煞科宴上遇襲，有出席煞科宴但不知詳情的佘詩曼表示，凌晨十二時許才到「案發現場」，她說：「我十二點幾先到，睇唔到咩事，其他人話番畀我知發生咩事。（冼灝英在唔在場？）我到時兩個（指敖嘉年同冼灝英）都見唔到，已經清咗場。（冼灝英飲咗酒？）唔清楚，但我都有發短訊畀嘉年，希望佢早日康復。（敖嘉年同冼灝英不和？）唔知咩事呀！」另外，《花》劇演員之一的袁偉豪，昨日亦在嘉年的微博上祝福對方「Bless U are！」事後他向記者說不在場，警方暫未聯絡他。

敖嘉年原定昨晚為《善心滿載仁愛堂》錄影，但因遇襲受傷而缺席，節目監製衞世輝說：「今日接到藝員部通知，知道敖嘉年受傷唔能夠嚟，佢係尋晚遇襲受傷嘅。（嚴唔嚴重？）都嚴重。」他指敖嘉年上節目只是玩遊戲，所以缺席影響不大，已搵黃智賢頂替。至於黃智賢指中午收到通知補位，到場後，從監製口中得知敖嘉年受傷，而剛巧昨日黃智賢在網上曾跟敖嘉年打招呼，黃智賢指敖嘉年不是「排骨仔」，好大隻，希望他冇事，會致電問候。

另外，黎耀祥、毛舜筠、李司棋及李思捷等《天天天晴》演員昨晚在尖沙咀出席劇集煞科宴，提到敖嘉年遇襲，黎耀祥說：「唔係嘛！唔知喎！係咪飲大兩杯﹖可能同事間嘅小爭執。（覺得冼灝英暴力﹖）他說：「同佢唔熟，但知佢係習武之人，佢哋唔係同門咩？」毛舜筠笑說：「係咪切磋武功呀！」