阿嬌呻賺錢辛苦賣樓減磅

樓市持續暢旺，擁有不少物業的鍾欣桐（阿嬌）帳面身家暴漲，她表示有意趁樓價高企賣樓，更說：「賺錢好辛苦！」

阿嬌將於下周六與一眾祖籍江門的藝人包括張可頤、商天娥、梅小惠、吳浩康及莊思明等回鄉演出，阿嬌憶述小時候跟媽媽返鄉下，為追鵝而身陷泥塘，她說：「嗰時我5、6歲，生平第一次嗌救命，係好好嘅回憶。」另外，近日氣溫驟降，阿嬌要媽媽在倉內取禦寒衣物，問到會否買大屋好好安置衣服，她說：「我已經供好多喇！（咁會唔會趁樓巿旺賣樓？）都諗緊，賺錢好辛苦。」

新婚娥姐不設防

此外，新婚的商天娥被稱呼「李太」，娥姐笑言仍未能改口叫「老公」，問她可有計劃生育？娥姐說：「我都40幾仲生？不過依家都冇設防，睇個天，如果有係上天賜畀我，等我都嘗試吓生育嘅痛。」

另外，阿嬌緋聞男友莊冬昕昨日出席《2010 CASH金帆音樂獎》記者會，對於有傳他撇鄭融戀上阿嬌，莊冬昕說：「私人嘢唔答！（驚咗緋聞？）唔係驚，我唔介意人哋點睇，亦唔睇雜誌！」大會宣布陳奕迅的《富士山下》及《明年今日》分別奪得「最佳旋律」和「CASH最佳歌曲」，而《人來人往》與《富士山下》則雙雙勇奪「最佳歌詞」，至於曾與金庸攜手寫過不少電影歌曲的于粦（黃丹儀父親）則榮獲「CASH音樂成就大獎」，頒獎禮將於下月一日假會展舉行。