貝安琪低V晒背 Chrissie爆床技
貝安琪昨晚身穿低胸大露背裙，與林峯和周秀娜等到澳門谷戲，搶盡「峰」頭，周秀娜惟有靠有味笑話搶鏡！
林峯聯同貝安琪、周秀娜（Chrissie）及徐子珊昨晚到澳門宣傳新片《抱抱俏佳人》，林峯氣勢強勁，吸引約200名Fans忘形狂呼。玩遊戲時，有Fans更不介意扮情侶上台，只為與林峯合照留念。
演員乘船出場，Chrissie竟一反常態打扮密實，貝安琪則身穿藍色吊帶低胸大露背裙，靚絕全場，搶盡風頭，對此Chrissie笑笑口說：「佢好靚，我喺電影入面好Deep V，出番嚟要收埋吓，唔想大家窒息咁耐，自己都想抖吓！」至於早前瞞着男友與林峯拍床戲，問到有否陪男友入場欣賞，Chrissie大灑鹽花說：「唔使特登睇啦！呢啲成日都有得睇。（招式唔同喎？）我哋都冇乜招式。」
隨時拍續集
另外，徐子珊亦不介意被貝安琪搶鏡，自嘲身材一向冇睇頭，更沒有勇氣穿得如此性感：「真係好靚，我都忍唔住想摸佢。」此外，該片票房報捷，林峯坦言很滿意，鄭丹瑞則不諱言有機會開續集。
身穿低V露背裙的貝安琪，坐船時搶盡「峰」頭。
周秀娜打扮密實，惟有靠講有味笑話搶鏡。
林峯到澳門谷戲，吸引約200名Fans忘形狂呼，氣勢如虹。
