校長譚詠麟（阿倫）與樂隊Mr.昨晚為新碟《Rolling Power》舉行簽名會，有歌迷向校長送上極具意義、以一萬元投得的經典Soundtrack《忘憂草》，氹得他非常開心！早前他們到內地為新碟宣傳，下月將赴台灣擔任金馬獎表演嘉賓。Mr.成員Dash席上感激校長經常帶他們「食好嘢」，自爆八個人可吃掉十七籠小籠包：「足足有200幾隻呀！」問到曾否趁機去「揼骨」？校長即說：「有呢啲好嘢o架咩？自己揼自己都冇時間啦！」
譚詠麟與Mr.宣傳新碟，自爆「搵食」趣事。
譚詠麟獲粉絲送贈經典Soundtrack《忘憂草》勁開心。
