超雲誤溝藥食抽筋送院
身在英國的何家淑女何超雲因吃錯藥導致全身抽筋，需要留院吊鹽水，嚇得三太陳婉珍即時飛往英國探望！
早於兩周前，超雲已在微博留言指身體不適兼發燒，還上載了煮粥的相片及留言：「就死了。」當時妹妹超蓮亦有留言，指自己也病倒。直至日前，超雲再在微博上更新：「在醫院。」令人甚為擔心其病況！記者前日凌晨致電身在英國的超雲，原來她因食錯藥而入院，她說：「我唔舒服咗好耐，不過今次入院係因為食錯藥，食完中藥又溝咗啲止痛藥，搞到全身抽筋！好在我抽筋嗰陣啱啱喺屋企，身邊朋友即刻Call白車送咗我入醫院，依家仲留緊院同吊鹽水。」
望趕及康復睇賭王受勳
現時她已漸漸回復精神，還吃着糖果回答記者問題，超雲說：「早兩日真係好唔掂！（父母知唔知？）媽咪聽日（昨日）飛過嚟睇我，其實我本來一早就會返香港，因為想睇爸爸（賭王何鴻燊）受勳。（咁打算幾時返港？）等媽咪過咗嚟先，希望及時好番出到院，咁就會同媽咪一齊返去，但依家未知。」當超雲留言「在醫院」後，不少朋友在微博上留言，祝福她早日康復，但未見緋聞男友周柏豪慰問。
超雲因誤溝中西藥一齊食，搞到全身抽筋送院。(資料圖片)
三太陳婉珍已飛往英國照顧入院的超雲。(資料圖片)