陳豪否認打救廖碧兒
有指廖碧兒明年將不續約無綫，本遭雪藏，幸得陳豪幫口打救，近日二人以情侶檔姿態亮相搵真銀。陳豪昨日出席活動時連聲否認：「藝員同TVB有幾耐約，只有當事人先知道，都唔到我幫口。近日係多咗廣告商搵我哋，有得搵外快梗係要把握機會。（贊成對方向外闖？）TVB都愈嚟愈多發展，依家有唱片又有電影部，對藝人好大幫助。（你都想回歸影壇？）呢幾年都會拍電視劇。」
談到與偶像鄭少秋合作拍劇，他坦言很欣賞秋官的專業態度，以及為養聲唱歌放棄吃刺激性食物。一向視咖啡如命的他被問到可會效法秋官戒掉至愛，他即說：「唔得，我身上流住咖啡血，小便都聞到咖啡味。」
有指廖碧兒險遭雪藏，全靠陳豪向無綫求情。(資料圖片)
陳豪向巿民派食品，大受歡迎。