超盈信任Greg堅無劈腿

何家淑女何超盈與男友Greg向來感情要好，更視對方為結婚對象，未知是否有人眼紅，近日竟傳出Greg密會新八模Mia的好姊妹，超盈隨即澄清傳言非事實，對男友絕對百分百信任。

賭王千金何超盈與男友Greg自拍拖以來一直非常恩愛，每當提及男友總難掩甜笑，Greg對超盈亦愛護有加。日前，記者在Facebook找到Greg為超盈於上月慶祝生日的Sweet相，他為冧女友特別親自下廚炮製愛心大餐。相簿中，Greg還與女友一家包括賭王、四太梁安琪、何超欣及超盈的外祖母合照，可見他已完全融入超盈的家庭。不過，近日竟突然有傳他背着超盈密會新八模Mia的好姊妹，無故惹來劈腿是非。

記者就此傳言向超盈求證，起初她不欲多談：「唔係事實唔想回應。（無端端傳Greg同Mia個好姊妹密會喎？）其實Greg同嗰個女仔係見過一次，佢都有同我講，因為Greg同Mia個男友Hayes係死黨，所以佢哋成日約出去飲嘢。上星期有一晚佢哋又約咗出嚟飲嘢，嗰晚Mia都喺度，仲帶咗個女仔朋友嚟，Greg事前唔知道嘅。飲完嘢後兩個女仔都有醉意，Greg出於禮貌就送嗰個女仔走，可能因為咁先令人誤會。」

「連叫咩名都唔知」

當時在超盈身旁的Greg亦大方回應，指連對方的名字也不知道，他說：「我唔識嗰個女仔，連佢叫咩名都唔知，當然亦冇交換電話同聯絡。」超盈揚言對男友百分百信任，兩人的感情明顯沒有受謠言影響。另外，記者昨日致電Mia了解當晚情況，她說：「嗰晚唔係得四個人，係成班人。（你個朋友係模？）唔係。」

陪賭王受勳證地位

賭王何鴻燊今年獲頒大紫荊勳章榮譽，據知除了賭王至親的家人外，超盈的男友Greg原來亦獲邀出席授勳儀式，於當日與何家上下一同見證「未來外父」這個大日子，由此可見賭王及何家已接納這位「未來女婿」。