羅禮賢贈爆破貼士

羅禮賢導演有多年豐富爆破及特技拍攝經驗，他表示水車及滅火筒是拍攝爆炸戲現場常備的安全設備，即使爆炸涉及汽油，水的作用亦很大，而他慣常預備藥箱拍攝，在拍攝大型特技場面時會預先召喚救護車到場，以防萬一。對於Selina今次穿旗袍及絲襪等化學纖維衣服拍攝，質料特別容易搶火，他向來對演員衣着物料甚為講究，並非常關心Selina和俞灝明的傷勢：「希望盡快痊愈。有時拍劇趕係有可能出錯，應該每次爆破都有老師傅陪徒弟一齊做，但因為賺錢少而太危險，就算有牌嘅師傅亦會發生意外，所以香港同內地做爆破嘅師傅愈來愈少！」

場地設備：水車、滅火筒

羅禮賢表示即使爆炸涉及汽油，水的作用亦很大：「通常汽油嘅數量好少，水有助降溫，如果布景係要繼續拍，用粉劑滅火對個景傷害好大。」

醫療配備：藥箱、救護車

羅禮賢表示慣常預備藥箱拍攝：「香港平時做法會有藥箱，裏面有基本藥物例如燙火膏！」拍攝大型特技場面時會預先召喚救護車到場，以防萬一。

服飾要求：濕水純棉衫

羅禮賢：「旗袍同絲襪等化學纖維衣服，質料容易搶火，一般嚟講我唔會畀演員走太近爆炸點，因為太冒險。替身嘅話通常會着濕咗水嘅純棉衫，算係最安全！」

爆破預備：炸藥分量、時間掌握、線路準確及充足時間