余迪偉反串玩殘官恩娜
電台節目主持余迪偉及鄒凱光，舉行一連四場的《爆響口之唔出得街》前晚開騷，關心妍與丈夫、林海峰及吳君如等到場支持。兩人以黑白西裝造型現身，余迪偉的西裝露背兼露股，非常出位！兩人大講叫床、性器官及粗口諧音，鄒凱光即場邀君如上台作深情對話，並自爆台灣藝人蕭淑慎曾是其女神：「我真係飛咗去台灣見佢，點知見到佢喺度『十、十五、喝！』，我個心即刻碎咗！」
余迪偉穿上斗零踭反串，與官恩娜做瑜伽，並作真情剖白：「十幾歲時阿媽已經問我係唔係鍾意男仔，我問佢覺得我孝唔孝順，佢話我好乖，我話咁咪得囉！閂埋房門我做自己嘢，有咩所謂呢？」
肯定君如冇大肚
而鄒凱光大爆余迪偉早前整瘀下體：「佢仲要周圍畀人睇，嗰兩日好似過咗成千年咁！」他不開名讚揚某女演員：「真空上陣拍濕身戲，真係會用手、冰甚至『夾仔』刺激到有激凸效果，呢啲真係專業！」
余迪偉接受訪問時直言，問官恩娜的問題不夠深入：「我想問佢同男友親熱得密唔密、有幾耐咁。」身旁的官恩娜即笑說：「我好忙o架！」而鄒凱光肯定君如冇大肚，大讚對方「條腰幼過以前」。
官恩娜完全不懂得扭呼拉圈，連一個圈都扭不到！
余迪偉與嘉賓官恩娜着短裙玩瑜伽，動作搞笑。
鄒凱光拉好友吳君如上台，感激對方帶他入電台工作，又即興表演跳舞。