華姐(21)李曼姿騎馬踱步勁騰雞
昨日《2010年國際中華小姐》候選佳麗於天津騎術學校拍攝外景，佳麗穿騎師服裝出席，為免走光，她們穿上大會特意用牛仔布製成的褲！佳麗騎上由馬伕拉着的馬踱步時心情緊張，(21)李曼姿最「騰雞」，她坦言是第一次騎馬：「我覺得又緊張又興奮，好矛盾！我驚畀隻馬拋落地，之後個馬伕話唔會，我先放心！」現場所見，佳麗的Watt數明顯大不如前，問到李曼姿是否活動太頻密？她說：「始終係新環境，我又好緊張，不過我希望以平常心出賽。」另外，(19)岑麗香表示喜歡運動：「我係學北少林武功o架！（防狼？）唔係，不過爺爺識打，覺得好型，所以想學，不過都未喺現實生活中應用過！」
李曼姿（左）在騎馬時神情緊張，與神態自若的岑麗香相映成趣。