Kelly墮馬GiGi爆火最難忘
在上海拍劇的Selina，前日拍攝爆炸場面時被燒傷，不少圈中人即送上祝福，其實本港多位藝人拍戲亦曾受傷，當年陳慧琳（Kelly）拍攝電影《江山美人》不慎墮馬受傷，對於Selina被燒傷，Kelly說：「好慘，佢咁靚女，好彩塊面冇事，算係不幸中之大幸，希望佢休息多啲同快啲好番，其他嘢唔好諗住，一定要堅強，依家醫學咁昌明唔使擔心，最緊要佢身體冇事。」
而梁詠琪（GiGi）透露拍攝電影《愛上百份百英雄》其中一場中彈戲，被「火屎」彈傷手背，對於Selina需要植皮，GiGi說：「植完皮可以用彩光同激光美白，希望佢冇事，所有藝人祝福佢。」而關智斌拍攝內地劇集時曾由馬車跌落地，他說：「係道具馬車成架跌落地，好彩都冇受傷，意外嘅嘢好難講，亦都試過拍爆炸戲畀煙嗆親，祝Selina早日康復。」
Kelly拍攝電影《江山美人》，曾不慎墮馬受傷。